19.08.2009
Spurt og svarað
Ákveðið hefur verið að leggja til að Eftirlaunasjóður starfsmanna Glitnis banka hf. sameinist Almenna lífeyrissjóðnum. Tillaga þess efnis var kynnt á ársfundi Eftirlaunasjóðs starfsmanna Glitnis banka hf. í júní en sjóðfélagar Almenna lífeyrissjóðsins munu kjósa um sameininguna á sjóðfélagafundi 28. september. Vegna þessa höfum við tekið saman nokkrar spurningar um sameiningar tillöguna og svör við þeim.
Nei. Við sameininguna verða eignir og skuldbindingar Eftirlaunasjóðs starfsmanna Glitnis banka hf. metnar á sama hátt og eignir og skuldbindingar eru metnar hjá Almenna lífeyrissjóðsins. Þegar sjóðirnir sameinast flytjast jafnverðmætar skuldbindingar og eignir úr Eftirlaunasjóðnum yfir í Almenna lífeyrissjóðinn.
Í lok ársins 2008 voru eignir Eftirlaunasjóðsins metnar 10% umfram skuldbindingar sjóðsins. Við sameininguna verða eignir metnar aftur og skuldbindingar aðlagaðar að eignum sjóðsins. Sjóðurinn á ákveðnar eignir sem verða fluttar yfir í Almenna lífeyrissjóðinn og þær eignir eiga að vera jafnháar og skuldbindingarnar sem verða til hjá Almenna lífeyrissjóðnum vegna fluttra réttinda. Reynist eignir eftirlaunasjóðsins vera áfram meiri en skuldbindingar hans verða réttindi sjóðfélaga aukin samsvarandi og öfugt ef eignir duga ekki fyrir skuldbindingum, áður en sjóðurinn sameinast Almenna lífeyrissjóðnum.
Tryggingafræðingur Eftirlaunasjóðs starfsmanna Glitnis banka hf. metur skuldbindingar sjóðsins.
Tryggingafræðingur Almenna lífeyrissjóðsins fer yfir mat á skuldbindingum Eftirlaunasjóðs starfsmanna Glitnis banka hf. og sannreynir að skuldbindingar sjóðsins verði metnar á sama hátt og skuldbindingar Almenna lífeyrissjóðsins. Endurskoðendur sjóðanna fara yfir eignir og sannreyna að eignir sjóðanna séu metnar á sambærilegan hátt.
Hagur Almenna lífeyrissjóðsins af sameiningunni er að sjóðurinn stækkar og rekstrarkostnaður lækkar sem hlutfall af eignum. Við sameininguna aukast eignir um nálægt 7% en ekki er gert ráð fyrir að rekstrarkostnaður aukist. Þannig má segja að kostnaður lækki um nálægt 7%.
Nei. Starfsmannafjöldi verður óbreyttur. Búast má við einhverjum sameiningarkostnaði fyrsta árið en ekki er gert ráð fyrir að annar rekstrarkostnaður aukist til framtíðar.
Nei.
Eftir fall Glitnis í október 2008 var ljóst að bankinn gat ekki lengur staðið við ábyrgð sína á skuldbind¬ingum Eftirlaunasjóðsins. Ábyrgð launagreiðanda er því ekki lengur til staðar og sjóðurinn hefur misst starfsleyfi sitt þar sem hann uppfyllir ekki lengur skilyrði um lágmarksfjölda sjóðfélaga sem eru rúmlega 500 en þurfa að vera 800 til að fá starfsleyfi.
Eftir könnunarviðræður við aðra lífeyrissjóði óskaði stjórn Eftirlaunasjóðsins eftir sameiningar-viðræðum við Almenna lífeyrissjóðinn. Stjórn Almenna tók vel í beiðnina en eitt af markmiðum sjóðsins er að vaxa til að ná aukinni stærðarhagkvæmni. Verði sameiningin samþykkt aukast eignir og skuldbindingar um sömu fjárhæð. Með meiri eignum lækkar hins vegar hlutfallslegur rekstrarkostnaður eða m.ö.o. fleiri sjóðfélagar taka þátt í að greiða kostnaðinn. .
Réttindi sjóðfélaga munu flytjast milli sjóða með eftirfarandi hætti.
Lífeyrisþegar fá sambærileg réttindi í Almenna lífeyrissjóðnum og mun sjóðurinn greiða þeim mánaðarlegar lífeyrisgreiðslur frá 1. október 2009.
Sérstakar reglur gilda um flutning réttinda elliífeyrisþega, sem eru yngri en 67 ára, þar sem lífeyrisgreiðslur frá Lífeyrissjóði verslunarmanna frá 67 ára aldri hafa áhrif á fjárhæð ellilífeyris. Þeir fá því greiðslu í séreignarsjóð sem á að tryggja þeim sambærilegar greiðslur til 67 ára aldurs.
Sjóðfélagar, sem eiga áunnin réttindi í eftirlaunasjóðnum, fá sambærileg réttindi í Almenna lífeyrissjóðnum. Þeim verður boðið að lækka eftirlaunaréttindi um 20% og fá í staðinn greiðslu í séreignarsjóð.
Við flutninginn munu réttindi sjóðfélaga í Eftirlaunasjóði starfsmanna Glitnis banka hf. breytast þannig að í framtíðinni verða lífeyrisgreiðslur verðtryggðar samkvæmt verðtryggingarákvæðum Almenna lífeyrissjóðsins eða miðað við vísitölu neysluverðs í staðinn fyrir launavísitölu. Vegna breyttrar verðtryggingar mun fjárhæð lífeyrisgreiðslna og réttinda hækka við sameininguna en endanleg fjárhæð lífeyrisréttinda mun ráðast af lokauppgjöri eftirlaunasjóðsins og hlutfalli eigna og skuldbindinga á uppgjörsdegi.
<<Til baka
