- Lágmarksiðgjald til Almenna lífeyrissjóðsins er 12% af launum. Af því greiðast 8% í samtryggingarsjóð og 4% í séreignarsjóð
- Hámarks viðbótariðgjald launþega er 2% af launum
- Framlag vinnuveitenda fer eftir kjarasamningum viðkomandi starfsstéttar
- Ekkert þak er á framlagi vinnuveitenda
- Endurhæfingarsjóður er 0,13% af launum
Lágmarksiðgjald í Almenna lífeyrissjóðinn er 12% af launum og skiptist þannig að 4% greiðast í séreignarsjóð og 8% í samtryggingarsjóð. Viðbótariðgjald (iðgjald umfram 12% af launum) er greitt í séreignarsjóð.
Aukið iðgjald
Sjóðfélagar geta aukið iðgjald í samtryggingarsjóð ef þeir vilja bæta við sig tryggingavernd. Hámarksiðgjald í samtryggingarsjóðinn er 15%. Stjórn sjóðsins er þó heimilt að hafna eða takmarka viðtöku iðgjalds umfram 12% af launum ef telja verður að skuldbindingar sjóðsins vegna sjóðfélagans myndu aukast verulega umfram verðmæti iðgjalda. Slík ákvörðun skal vera rökstudd með skriflegu áliti tryggingafræðings sjóðsins.
Líf- eða heilsutrygging
Sjóðfélagar geta einnig varið hluta af viðbótariðgjöldum til að kaupa líf- eða heilsutryggingu hjá viðurkenndu líftryggingarfélagi.
Umframiðgjöld í séreignarsjóð
Ef sjóðfélagi fær greidd hærri iðgjöld en 12% af launum samkvæmt kjarasamningi eða ráðningarsamningi eru umframiðgjöld greidd í séreignarsjóð.
