Ævisafn II - hlutabréf og skuldabréf að jöfnu
Ævisafn II hentar þeim sem eru að ávaxta lífeyrissparnað sinn til langs tíma. Þetta safn hentar best fyrir sjóðfélaga á aldrinum 45-56 ára. Ávöxtunartími lífeyrisinneignar í þessu safni er að jafnaði 10-15 ár. Markmið safnsins er langtímahækkun eigna með fjárfestingum í hlutabréfum og skuldabréfum að jöfnu.
Fjárfestingarstefna Ævisafns II er 50% skuldabréf og 50% hlutabréf. Fjárfest er í ríkisskuldabréfum, skuldabréfum sveitarfélaga, innlánum fjármálastofnana, veðskuldabréfum og öðrum skuldabréfum. Til að dreifa áhættu er stefnt að því helmingur skuldabréfa sé með ábyrgð ríkis og sveitarfélaga. Eignir í hlutabréfum eru dreifast á lönd, atvinnugreinar og mikinn fjölda hlutafélaga, sem dregur mjög úr áhættunni. Til að dreifa áhættu er stefnt að því að helmingur hlutabréfasjóða séu markaðstengdir sjóðir.
Sveiflur í ávöxtun eru miklar þar sem fjárfest er að jöfnu í hlutabréfum og skuldabréfum en með lengri tíma jafnast sveiflurnar út. Búast má við minni sveiflum og lægri ávöxtun en í Ævisafni I til lengri tíma litið.
Ævisafn II var stofnað 1. janúar 1990.
Upplýsingablað - Ævisafn II
|
|
| Gengi |
2645,9 |
| Dagsetning gengis |
05.02.2012 |
| Breyting frá síðustu skráningu |
0,000% |
| 52 vikna lágmark |
2381,5 |
| 52 vikna hámark |
2646,0 |
Orðsending frá sjóðstjóra
Ævisafn II hækkaði í desember um 2,4% og hefur hækkað um 9,0% á árinu. Þróun á innlendum skuldabréfamarkaði hafði afgerandi áhrif á ávöxtun safnsins á árinu 2011 og skilaði stærstum hluta af ávöxtun ársins. Á árinu hefur heimsvísitala hlutabréfa í USD (MSCI World) lækkað um 5,5% en hækkað um 0,7% í íslenskum krónum þar sem íslenska krónan hefur veikst um 6,5% gangvart USD. Hlutfall erlendra eigna í safninu er 31,7%
Innlendi skuldabréfahluti safnsins (66,0%) hefur skilað ágætri ávöxtun á árinu vegna lækkunar á ávöxtunarkröfu innlendra ríkisskuldabréfa. Ávöxtunarkrafa langra verðtryggðra bréfa er nú um 2,5%. Markaðsvirði innlendra skuldabréfa hækkaði vegna áhrifa mikillar eftirspurnar og skorts á fjárfestingakostum, einkum vegna gjaldeyrishafta.
Janúar 2012
