Ævisafn III - traust skuldabréf og markaðstengdir hlutabréfasjóðir
Ævisafn III er fyrir sjóðfélaga sem vilja taka litla áhættu og hentar vel fyrir sjóðfélaga sem eru 60 ára og eldri. Markmið safnsins er að tryggja sjóðfélögum jafna og góða ávöxtun. Með auknu vægi skuldabréfa er stefnt að minni sveiflum en í Ævisöfnum I og II en um leið má búast við lægri ávöxtun.
Fjárfestingarstefna Ævisafns III er 80% skuldabréf og 20% hlutabréf. Til að safnið gefi jafna og stöðuga ávöxtun er lögð áhersla á að fjárfesta skuldabréfum með meðaltíma 4,5 ár. Fjárfest er í ríkisskuldabréfum, skuldabréfum sveitarfélaga, innlánum fjármálastofnana, veðskuldabréfum og öðrum skuldabréfum. Fjárfestingar í hlutabréfum eru að mestu leyti í erlendum hlutabréfasjóðum. Til að dreifa áhættu er stefnt að því að helmingur hlutabréfasjóða séu markaðstengdir sjóðir
Ávöxtunartími í þessu safni er að jafnaði um 5-10 ár. Sveiflur í ávöxtun eru nokkrar þar sem fjárfestingarstefnan gerir ráð fyrir að fimmtungur eigna sé í hlutabréfum. Meirihluti eigna er hins vegar ávaxtaður í skuldabréfum en ávöxtun þeirra fylgir markaðsvöxtum til lengri tíma. Þar sem stór hluti skuldabréfanna er með föstum vöxtum getur ávöxtun skuldabréfanna sveiflast til skemmri tíma. Stefnt er að því að draga úr sveiflum með því að hafa meðaltíma skuldabréfanna stuttan eða á bilinu 3 til 5 ár.
Ævisafn III var stofnað 1. júlí 1998.
Upplýsingablað - Ævisafn III
|
|
| Gengi |
2192,1 |
| Dagsetning gengis |
08.02.2012 |
| Breyting frá síðustu skráningu |
0,000% |
| 52 vikna lágmark |
1979,3 |
| 52 vikna hámark |
2198,9 |
Orðsending frá sjóðstjóra
Ævisafn III hækkaði í desember um 1,3% og hefur hækkað um 9,8% á árinu. Þróun á innlendum skuldabréfamarkaði hafði afgerandi áhrif á ávöxtun safnsins á árinu 2011 og skilaði stærstum hluta af ávöxtun ársins. Á árinu hefur heimsvísitala hlutabréfa í USD (MSCI World) lækkað um 5,5% en hækkað um 0,7% í íslenskum krónum þar sem íslenska krónan hefur veikst um 6,5% gangvart USD. Hlutfall erlendra eigna í safninu er 11,5%
Innlendi skuldabréfahluti safnsins (70,4%) hefur skilað ágætri ávöxtun á árinu vegna lækkunar á ávöxtunarkröfu innlendra ríkisskuldabréfa. Ávöxtunarkrafa langra verðtryggðra bréfa er nú um 2,5%. Markaðsvirði innlendra skuldabréfa hækkaði vegna áhrifa mikillar eftirspurnar og skorts á fjárfestingakostum, einkum vegna gjaldeyrishafta.
Janúar 2012
