Sjóðfélagar í Almenna lífeyrissjóðnum geta greitt lágmarks- og viðbótariðgjöld í sjóðinn og valið sér ávöxtunarleiðir og tryggingar eftir eigin þörfum. Valkostirnir eru margir og finnst mörgum erfitt að velja á milli þeirra. Í raun er þó aðeins um fjórar ákvarðanir að ræða:
Sjóðfélagar geta valið á milli sjö verðbréfasafna, Ævisafna I, II, III, IV, Innlánasafn, stutt og langt ríkisskuldabréfasafn með mismunandi eignasamsetningu og áhættu. Hægt er að velja einnig Ævileiðina en þá flyst inneign milli safna eftir aldri.
- Ráðgjöf: Velja Ævileiðina
- Af hverju? Eftirlaunasparnaður á sér stað yfir alla starfsævina og því er það góð leið fyrir marga að taka mið af aldri.
- Aðrir kostir: Velja ævisafn m.t.t. til annarra eigna. Sá sem á hátt hlutfall hlutbréfa og vill ekki auka vægi þeirra velur Ævisafn III, IV, Innlánasafn og ríkisskuldabréfasöfnin. Sá sem á miklar aðrar eignir og þolir að taka áhættu velur Ævisafn I.
Ef aðild að lífeyrissjóði er ekki tilgreind í kjara- eða ráðningarsamningi þínum getur þú valið að greiða lágmarksiðgjald í Almenna lífeyrissjóðinn.
Almenni lífeyrissjóðurinn veitir góð réttindi til örorku-, maka- og barnalífeyris og mikið svigrúm í samsetningu og úttekt eftirlauna. Af 12% lágmarksiðgjaldi fara 8% til að tryggja ævilangan ellilífeyri, örorku-, maka- og barnalífeyri en 4% fara í séreignarsjóð sem er laus frá 60 ára.
Iðgjaldið sem greiðist í séreignarsjóð má nota til að auka við örorkutryggingu eða byggja upp séreignarsjóð sem veitir meira svigrúm við töku eftirlauna og erfist við fráfall og eykur þannig hag eftirlifandi maka og barna.
Tryggingafræðileg staða sjóðsins er þar að auki góð og er Almenni lífeyrissjóðurinn afar góður kostur til að tryggja sér lágmarkslífeyri.
Launþegar mega greiða allt að 4% af launum til lífeyrissparnaðar.
- Ráðgjöf: 4% af heildarlaunum.
- Af hverju?: Til þess að tryggja sér óbreyttar tekjur í starfslok þarf að spara 14% til 17% af launum alla starfsævina (40 ár).
- Aðrir kostir: Reglulegur óbundinn sparnaður (t.d. verðbréf í áskrift) fyrir þá sem eiga engan varasjóð eða vilja leggja áherslu á að sparnaður sé laus.
Lágmarkstryggingavernd er í mörgum tilvikum ekki nóg og þess vegna býður Almenni lífeyrissjóðurinn sjóðfélögum viðbótartryggingar frá Sjóvá Almennum.
- Ráðgjöf: Afkomutrygging og líftrygging.
- Af hverju? Almennt er talið nauðsynlegt að tryggja sér 70-80% af launum við starfsorkumissi en lífeyrissjóðir tryggja yfirleitt 50-60%. Auk þess er ungt fólk á vinnumarkaði nánast ótryggt fyrstu þrjú árin og geta með Afkomutryggingu notið strax fullrar örorkutryggingar. Líftrygging sem tryggir a.m.k. 1-2 ára laun er nauðsyn ef aðrir reiða sig á tekjur viðkomandi.
- Aðrir kostir:
- Sjúkra- og slysatrygging fyrir sjóðfélaga sem vilja tímabundna tryggingu sem byggir á eingreiðslubótum.
- Sjúkdómatrygging fyrir þá sem vilja tryggja sér og fjölskyldu sinni eingreiðslu ef sjóðfélagi eða börn hans veikjast.
