Lán til sjóðfélaga eru bæði hagstæð fyrir viðkomandi lífeyrissjóð og sjóðfélaga. Lífeyrissjóðurinn greiðir ekki skatta eins og lánastofnanir og getur því veitt ódýrari lán en lánastofnanir sem er gott fyrir lántakendur. Lánin bera hærri vexti en vextir á markaðsskuldabréfum, vanskil eru lítil og því hækkar ávöxtun lífeyrissjóðsins.
Þannig geta sjóðfélagar fengið hagstæðrari lán hjá lífeyrissjóðnum en hjá öðrum lánastofnunum og lífeyrissjóðurinn fær hærri vexti en af markaðsskuldabréfum.
Sem dæmi má nefna að ekkert uppgreiðslugjald er tekið við uppgreiðslu eða innborgun á lán hjá Almenna lífeyrissjóðnum.
Umsókn ásamt fylgiskjölum er skilað á skrifstofu sjóðsins að Borgartúni 25, Reykjavík. Gera má ráð fyrir að afgreiðsla lánsumsókna taki um viku, þó svo að leitast verði við að afgreiða umsóknir innan þriggja daga.
Við samþykkt umsóknar er útbúið skuldabréf sem umsækjandi þarf að koma og ná í og fara með í þinglýsingu hjá Sýslumannsembætti þess staðar sem veðsetta eignin er. Þinglýsing tekur um einn til tvo sólarhringa. Hjá Sýslumanni er greitt þinglýsingargjald og stimpilgjald.
Eftir þinglýsingu er komið aftur með þinglýst skuldabréfið á skrifstofu Eignastýringar Íslandsbanka. Ef komið er með skuldabréfið fyrir klukkan 13:00 þá er andvirði lánsins greidd samdægurs en annars morguninn eftir.
Það þýðir að greiðslubyrðin er svipuð út lánstímann því á hverjum gjalddaga greiðir þú jafnar greiðslur afborgana og vaxta nema vextir breytist. Auk þess leggjast verðbætur við ef lánið er verðtryggt.
Þá er greiðslubyrðin hærri til að byrja með því alltaf er greidd sama fjárhæð af höfuðstól á gjalddaga og svo bætast vextir og verðbætur við.
Sumum hentar betur að hafa greiðslurnar lægri til að byrja með og kjósa því jafnar greiðslur. Til að byrja með er þá lítið greitt niður af höfuðstól en heildargreiðslur af láninu verða hærri. Það á sérstaklega við ef verðbólga verður mikil á lánstímanum því höfuðstóllinn er verðtryggður.
Lífeyrislán greiðir mánaðarlega út af höfuðstólnum til að bæta við ráðstöfunartekjur en langtímalán greiðir höfuðstólinn út í einni greiðslu.
Þá er valmöguleiki að skuldbreyta láninu í langtímalán, einnig er hægt að greiða upp lánið með sölu á fasteigninni eða greiða lánið upp með öðum hætti, t.d. með því að breyta því í langtímalán.
Umsækjendur þurfa að vera virkir sjóðfélagar (hafa greitt iðgjöld síðustu 3 mánuði í samtryggingarsjóð en þeir sem eingöngu greiða í séreignarsjóð þurfa að hafa greitt í sex mánuði) eða eru lífeyrisþegar hjá sjóðnum. Hafi sjóðfélagi misst rétt á að sækja um lán vegna tímabundinnar fjárveru af vinnumarkaði þá stofnast réttur til að sækja um lán ef viðkomandi hefur greitt a.m.k. 200.000 kr. til sjóðsins af launum eða reiknuðu endurgjaldi og er með gildan ráðningarsamning þar sem tilgreint er að sjóðfélagi sé aftur farin að greiða iðgjöld til Almenna lífeyrissjóðsins.
Já, greiðslur vegna viðbótarlífeyrissparnaðar telja sem greiðslur inn til sjóðsins og þar af leiðandi veita þær rétt til lántöku.
Hámarkslán til hvers sjóðfélaga er 35.000.000 kr. svo framarlega að nægjanlegt veðrými sé til staðar á fasteigninni.
Nægjanlegt veðrými er að áhvílandi lán að viðbættu því láni sem á að taka hjá Almenna lífeyrissjóðnum fari ekki yfir 75% af verðmæti fasteignar og fari ekki yfir 90% af brunabótamati fasteignar.
