Makalífeyrir

Við andlát sjóðfélaga öðlast maki hans rétt til makalífeyris frá samtryggingarsjóði. Makalífeyrir er helmingur af fjárhæð örorkulífeyris og er alltaf greiddur í tvö og hálft ár eða á meðan yngsta barn sjóðfélaga er yngra en 20 ára, eða ef maki er 50% öryrki og yngri en 67 ára.

Hann er greiddur út fyrirfram fyrsta virka dag í mánuði.

Maki telst sá eða sú sem við andlátið var í hjúskap með sjóðfélaga, staðfestri samvist eða óvígðri sambúð, enda hafi fjárfélagi ekki verið slitið fyrir andlát sjóðfélagans.

Með óvígðri sambúð er átt við sambúð karls og konu sem eiga sameiginlegt lögheimili, eru samvistum, eiga barn saman eða konan er þunguð eða sambúðin hefur varað samfleytt í a.m.k. tvö ár.