Skattaleg meðferð

Um lífeyrissparnað gilda hagstæðar skattareglur sem gera hann einnig að mjög fýsilegum kosti. Skattalegt hagræði felst í því að ekki er greiddur fjármagnstekjuskattur af vaxtatekjum. Iðgjöldin eru greidd óskattlögð í lífeyrissjóð en útborganir eru hinsvegar skattlagðar eins og hverjar aðrar tekjur.

Í raun er tekjuskattinum frestað þar til inneignin er tekin út en í sumum tilvikum lækkar tekjuskattur einnig. Það gerist ef einstaklingur á ónýttan persónuafslátt þegar inneignin er tekin út eða ef jaðarskattar eru lægri við útborgun en þegar skattinum var frestað. Taflan sýnir yfirlit um skattalega meðferð lífeyrissparnaðar.

Iðgjöld	Inneign	Útborganir/lífeyrisgreiðslur
Launþegar geta greitt 4% af launum fyrir skatta sem lágmarksiðgjald lífeyrissjóð og 4% viðbótariðgjald til lífeyrissparnaðar. Framlag launagreiðenda er frádráttarbært frá skattskyldum tekjum og ekki hlunnindi hjá launþega.	Inneign er ekki framtalsskyld. Ekki er greiddur fjármagnstekjuskattur af vaxtatekjum.	Tekjuskattur er greiddur af útborgunum eins og öðrum tekjum.

Nei, lífeyrissparnaðurinn er í öllum tilvikum hagstæðari þar sem ekki þarf að greiða fjármagnstekjuskatt af vaxtatekjum. Í sumum tilvikum lækkar tekjuskatturinn einnig af því að það má draga persónufrádrátt frá útborgunum.

Það er misskilningur að halda að lífeyrissparnaður sé óhagstæðari en hefðbundinn sparnaður af því að við úttekt er greiddur tekjuskattur af lífeyrissparnaði (bæði höfuðstól og vöxtum) en einungis fjármagnstekjuskattur af vöxtum af hefðbundnum sparnaði.

Misskilningurinn felst í því að hefðbundinn sparnaður er greiddur af launum eftir tekjuskatt en lífeyrissparnaður er greiddur af launum fyrir skatta. M.ö.o. það er búið að greiða tekjuskatt af hefðbundnum sparnaði og síðan er til viðbótar greiddur fjármagnstekjuskattur af vaxtatekjum. Hins vegar er eingöngu greiddur tekjuskattur af lífeyrissparnaði.

Hagnaðurinn af lífeyrissparnaði verður enn meiri ef einstaklingur á vannýttan persónuafslátt við útborgun eða ef tekjuskattsprósentan hans er lægri við útborgun en var við innborgun því þá lækkar tekjuskatturinn einnig.

Á vef ríkisskattstjóra er að finna nánari upplýsingar um skattalega meðferð lífeyrissiðgjalda og skattamál almennt. Vefur ríkisskattstjóra er mjög aðgengilegur og vel uppsettur.