Kveður skarfurinn veiruna burt?

„Lóan er komin að kveða burt snjóinn“ segir í kvæðinu. Það er líklega full snemmt að boða komu sumarsins þó að hlýtt hafi verið í veðri undanfarna daga. Ekki liggur heldur fyrir hver skilaboð dílaskarfsins voru sem kom sér fyrir á steini við sjóinn beint fyrir framan skrifstofu sjóðsins í Borgartúni 25. Það er þó upplagt að nota myndina af honum til að boða þau tíðindi að skrifstofa Almenna opnar á ný frá og með 24. febrúar. Til að gæta fyllstu varúðar verður í fyrstu eingöngu tekið á móti fólki í fyrirfram bókuðum viðtalstímum. 

Skarfurinn hreyfði sig hvergi þó að fjöldi fólks myndaði hann í bak og fyrir. Það er ljóst að hér var enginn leiðindaskarfur á ferðinni, heldur miklu frekar skemmtiskarfur.

Við biðjum sjóðfélaga vinsamlega um að fylgja ítrustu sóttvarnarreglum í viðtölum:

• Vera með andlitsgrímu
• Sinna handþvotti og spritta hendur
• Virða tveggja metra regluna
• Sleppa heimsókn ef fólk finnur fyrir einkennum, bíður niðurstöðu úr sýnatöku eða hefur verið erlendis á síðustu 14 dögum.

Eftir sem áður geta sjóðfélagar nýtt sér rafrænar þjónustleiðir Almenna. Nú er boðið er upp á fjarfundi í stað þess að mæta, hægt er að tala við ráðgjafa í síma 510 2500 og á netspjalli á skrifstofutíma. Utan opnunartíma er hægt að senda tölvupóst á almenni@almenni.is og á sjóðfélagavef er að finna uppfærðar upplýsingar um réttindi og séreign á myndrænu formi.

Smelltu hér til að bóka viðtal, hvort sem þú kýst að mæta, fá viðtalstíma í fjarfundi eða símtal frá ráðgjöfum Almenna.