Ráðgjöf okkar er óbreytt sem er að blönduð og vel dreifð verðbréfasöfn séu góður kostur fyrir lífeyrissparnað og veiti góða áhættudreifingu. Ráðlegging okkar er að sjóðfélagar sem hafa valið safn eftir aldri geri ekki breytingar. Þeir sem hyggjast nota inneign fljótlega eða á næstu árum og telja sig þurfa að minnka áhættu geta óskað eftir eignabreytingum á sjóðfélagavef .
Sjóðfélagar geta flutt inneign milli verðbréfasafna í einu lagi eða í áföngum. Eignabreytingar eru framkvæmdar í lok mánaðar en vakin er athygli á því að beiðnir um flutning á inneign sem berast síðustu tvo virka daga mánaðar verða afgreiddar í lok næsta mánaðar eftir að beiðni berst.
Já, sjóðfélagar geta valið á milli sex ávöxtunarleiða en einnig svokallaða Ævileið en þá flyst inneign á milli Ævisafna I, II og III eftir aldri sjóðfélaga.
Nánari upplýsingar um ávöxtunarleiðirnar eru hér.
Ávöxtunarleiðir í séreignarsjóði eru Ævisafn I, Ævisafn II, Ævisafn III, Húsnæðissafn, Ríkissafn og Innlánasafn.
Nánari upplýsingar um ávöxtunarleiðirnar eru hér.
Já, sjóðfélagar geta skipt um ávöxtunarleið og flutt inneign í einu lagi eða í áföngum milli leiða þegar þeim hentar. Beiðnir um flutning skulu vera skriflegar. Beiðnir um flutning sem berast síðustu tvo virka daga mánaðar verða afgreiddar í lok næsta mánaðar eftir að beiðni berst.
Við ráðleggjum sjóðfélögum að nota sjóðfélagavefinn til þess að breyta um ávöxtunarleið en þar er hægt að skila inn beiðni með rafrænni undirskrift. Smelltu hér til að opna sjóðfélagavefinn.
Sjóðfélagar greiða 0,2% af inneign í kostnað við að skipta um ávöxtunarleið nema inneignin sé flutt úr Innlánasafninu þá er kostnaðurinn 0,1%. Kostnaðurinn er tilkominn vegna þóknana sem sjóðurinn greiðir við kaup og sölu verðbréfa og greiðist hann inn í söfnin sem flutt er í og úr. Enginn kostnaður er greiddur þegar inneign flyst milli safna samkvæmt Ævileiðinni.
Ráðgjöf okkar er óbreytt sem er að blönduð og vel dreifð verðbréfasöfn séu góður kostur fyrir lífeyrissparnað og veiti góða áhættudreifingu. Ráðlegging okkar er að sjóðfélagar sem hafa valið safn eftir aldri geri ekki breytingar. Þeir sem hyggjast nota inneign fljótlega eða á næstu árum og telja sig þurfa að minnka áhættu geta óskað eftir eignabreytingum á sjóðfélagavef .
Sjóðfélagar geta flutt inneign milli verðbréfasafna í einu lagi eða í áföngum. Eignabreytingar eru framkvæmdar í lok mánaðar en vakin er athygli á því að beiðnir um flutning á inneign sem berast síðustu tvo virka daga mánaðar verða afgreiddar í lok næsta mánaðar eftir að beiðni berst.
Almenni mælir með að sjóðfélagar velji sér ávöxtunarleið með hliðsjón af aldri. Almennt má segja að sá sem sparar til lengri tíma getur valið sér ávöxtunarleið með hátt vægi hlutabréfa og langra skuldabréfa. Eftir því sem sparnaðartíminn er styttri getur verið skynsamlegt að auka vægi stuttra skuldabréfa og innlána. Ráðgjafar Almenna eru boðnir og búnir að fara yfir málin með þér. Smelltu hér til að bóka tíma í ráðgjöf.
Samkvæmt henni yrði inneign ávöxtuð í Ævisafni I.
Samkvæmt henni yrði inneign ávöxtuð í Ævisafni II.
Samkvæmt henni yrði inneign ávöxtuð í Ævisafni III.
Get líka mælt með Húsnæðissafn eða Ríkissafn.
Get líka mælt með Húsnæðissafn eða Innlánasafn.
Einfaldasta leiðin til að breyta um ávöxtunarleið er að nota sjóðfélagavefinn en þar er hægt að skila inn beiðni með rafrænni undirskrift. Smelltu hér til að opna sjóðfélagavefinn.
Interest rates are decided at Almenni´s monthly board meetings. Note that key interest rate given by The Central Bank of Iceland is a seven-day term deposit rate, but the variable rates are fixed for 36 months at a time. Among other things the board considers are key interest rates the The Central Bank of Iceland, rates comparable loans, expected inflation and the fund risk assessment.
Our advice remains the same i.e. that well diversified balanced portfolios provide good diversification and fit well for pension savings. We recommend that members choose investment portfolio according to the age or expected saving time. Those who intend to withdraw their savings soon or in the next years and believe they should decrease risk can request a change of portfolios on our online service.
Fund members can move their holdings lump sum or gradually over time. Asset changes are made at the end of each month but please note requests that are made in the two last business days of the month take place at the end of the following month.
Almenni will cater to employers needs in temporary difficulties by calculating general interest rates instead of penalty rates for the salary period of February to May 2020, unless a contract between the employer and Almenni excludes it. Otherwise the collection of pension premiums will unchanged.
Já, það er hægt að greiða aukalega inn á höfuðstól lána hjá Almenna án sérstakrar þóknunar. Það er gert hér á lánavef sjóðsins
Munurinn á óverðtryggðum og verðtryggðum lánum felst í því að í óverðtryggðum lánum má segja að verðbólgan sé staðgreidd en í verðtryggðum lánum er verðbólgan staðgreidd af litlum hluta þannig að stærsti hluti verðbóta leggst við eftirstöðvar lánsins.
Verðtryggð lán bera raunvexti og eru bundin grunnvísitölu sem breytist í hverjum mánuði. Mánaðargreiðslur og eftirstöðvar láns á hverjum tíma taka mið af þessari breytingu. Óverðtryggð lán bera nafnvexti sem reiknast af eftirstöðvum lánsins á hverjum tíma. Nafnvextir eru jafnt og raunvextir ásamt væntri verðbólgu og áhættuálagi.
Greiðslubyrði af verðtryggðum og óverðtryggðum lánum er ólík en almennt má segja að greiðslubyrði verðtryggðra lána sé jafnari en af óverðtryggðum lánum. Verðtryggð lán hækka með breytingu á viðmiðunarvísitölu. Verðbætur bætast við höfuðstól og koma til greiðslu á lánstíma lánsins. Við útreikning á einstökum greiðslum hækkar hver afborgun í takt við verðbólgu en vextir reiknast af verðbættum höfuðstól. Við útreikning á greiðslum óverðtryggðra lána er áföllnum vöxtum bætt við næstu afborgun og því er greiðslubyrðin hærri framan af lánstímanum.
Ef lán eru með jöfnum afborgunum er höfuðstólnum dreift jafnt á fjölda afborgana og vextir bætast síðan við afborganir. Greiðslur lækka þá þegar líður á lánstímann því vextir lækka þegar höfuðstóllinn greiðist niður.
Ef lán er með jöfnum greiðslum greiðir lántakandinn alltaf sömu upphæð á hverjum gjalddaga (ef vextir eru fastir og lán óverðtryggð) en greiðir hinsvegar mismunandi hlutfall vaxta og höfuðstóls. Til að byrja með er hlutfall vaxta mjög hátt en smátt og smátt eykst hlutfall höfuðstóls eftir því sem líður á lánstímann.
Kostir lána með jöfnum afborgunum er að þau greiðast hraðar niður en lán með jöfnum greiðslum en á móti kemur að greiðslubyrðin er mun þyngri framan af lánstímanum. Kostir lána með jöfnum greiðslum er að greiðslubyrðin helst stöðug yfir lánstímann ef vextir eru fastir eða sveiflast lítið en hins vegar greiðist höfuðstóllinn hægar niður í samanburði við lán með jöfnum afborgunum.
Lánareglur sjóðsins má lesa hér.
Þú þarft að vera sjóðfélagi og þú þarft að vera að kaupa fyrstu fasteign. Sjóðfélagar verða virkir þegar fyrstu iðgjöld berast. Umsækjandi/umsækjendur þarf/þurfa að standast greiðslumat.
Við útreikning á greiðslubyrðarhlutfallinu er miðað við að lán séu jafngreiðslulán. Fyrir óverðtryggð lán er reiknað með 40 ára lánstíma og samningsvöxtum en þó að lágmarki 5,5% vöxtum. Ef lánið er verðtryggt þá er reiknað með 25 ára lánstíma með samningsvöxtum en þó að lágmarki 3% vöxtum. Í útreikningnum er reiknað bæði með greiðslubyrði þess láns sem sótt er um og öll lán sem eru með veði í fasteignum umsækjanda.
Hámark mánaðarlegrar greiðslubyrðar fasteignalána má ekki fara yfir 35% af mánaðarlegum ráðstöfunartekjum neytenda þegar fasteignalán er veitt. Hámarkið má þó vera 40% ef um er að ræða fyrstu fasteignakaup. Þetta þýðir ef ráðstöfunartekjur (tekjur mínus skattar og gjöld) eru 1.000.000 kr., þá getur greiðslubyrði fasteignalána miðað við forsendur Seðlabanka Íslands mest verið 350.000 kr. Þó hækkar hlutfallið í 40% hjá þeim sem eru að kaupa sína fyrstu fasteign, þá miðast hámarks greiðslubyrði við 400.000 kr., miðað við sömu ráðstöfunartekjur. Greiðslubyrði fasteignalána reiknast út frá reglum Seðlabanka Íslands.
Sjóðurinn lánar að hámarki 80 milljónir króna til einstaklinga en að hámarki 95 milljónir til hjóna eða sambúðaraðila á eina eign.
Hámarkslán til sjóðfélaga sem eingöngu eru með viðbótarlífeyrissparnað er 30 milljónir.
Hámarksveðsetning á 1. veðrétti er 70% en annars er hún 60%. Veðsetning má þó aldrei vera hærri en sem nemur brunabótamati íbúðarhúsnæðisins ásamt lóðarmati.
Fyrstu kaupendur geta tekið lán að hámarksveðsetningu 85% og getur heildarlánveiting hæst numið 60 milljónum.
Lánareglur sjóðsins má lesa hér.
Sjóðurinn býður bæði verðtryggð og óverðtryggð lán. Í boði eru verðtryggð lán með föstum út lánstímann eða breytilegum vöxtum sem festir eru í 36 mánuði, en eftir það taka við breytileg vaxtakjör sem breytast á þriggja mánaða fresti.
Smelltu hér til að skoða þá vexti sem eru í boði núna.
Já, við getum aðstoðað þig við að áætla greiðslubyrði með einföldum útreikningum ef þú gefur okkur örfáar forsendur.
Áætluð fyrsta greiðsla eftir mánuð
... kr.
Áætluð síðasta greiðsla í lok lánstíma
... kr.
Vextir
... %
Reiknuð greiðslubyrði er fyrir lán með jöfnum greiðslum. Smelltu hér til að reikna nákvæma greiðsluáætlun og hlutfallstölu kostnaðar sjóðfélagaláns miðað við mismunandi forsendur.
Sjóðurinn býður sjóðfélögum að sækja um fasteignalán.
Lánareglur sjóðsins má lesa hér.
Til að sækja um lán þarf að fara inn á lánavef sjóðsins og sækja um lánið með rafrænum hætti. Hægt er að panta tíma hjá ráðgjafa hér til að fá frekari upplýsingar og ráðgjöf varðandi lán.
Nei, lántakendur geta greitt inn á lán eða greitt þau upp hvenær sem er án kostnaðar.
Lántökugjald er 65.000 krónur óháð lánsfjárhæð.
Það ræðst af fjölda umsókna og aðstæðum hvað það tekur langan tíma að fá lán en stefna sjóðsins er að afgreiða lánsumsóknir eins fljótt og mögulegt er. Afgreiðsla lánsumsókna getur tekið frá 10 virkum dögum upp í allt að 5 vikur.
Flestir lántakendur þurfa að fara í greiðslumat. Sjóðurinn getur þó ákveðið að fara ekki fram á greiðslumat ef einungis er verið að endurfjármagna lán hjá Almenna lífeyrissjóðnum og reglulegar afborganir lánsins lækka við nýju lánveitinguna.
Sótt erum lán á lánavef Almenna.
Við samþykkt umsóknar eru gögn send til umsækjanda til rafrænnar undirritunar. Þegar allt er frágengið er skuldabréf útbúið og það afhent umsækjanda þarf að fara með það í þinglýsingu. Hjá sýslumanni er greitt þinglýsingargjald.
Eftir að búið er að þinglýsa skuldabréfinu er því skilað á skrifstofu Almenna lífeyrissjóðsins. Vanalega er andvirði lánsins greitt daginn eftir.
Núverandi skilmálar gera ráð fyrir að lánskjör séu fest til þriggja ára, eftir það taka við breytileg vaxtakjör, sem taka þá breytingum á þriggja mánaða fresti. Lántakar geta valið að festa lánið aftur til þriggja ára á þeim kjörum sem bjóðast fyrir ný lán, annars fer lánið sjálfkrafa á breytileg vaxtakjör.
Breytileg vaxtakjör ráðast af ákvörðun sjóðsins sem lítur til ýmissa þátta við ákvörðun sína, sbr. lánareglur sjóðsins.
Ákvörðun um breytilega kjör óverðtryggð vaxtanna styðjast að jafnaði við ávöxtunarkröfu RIKB að viðbættum 1,00 prósentustigum. Lágmarksvextir á líftíma bréfanna er 3,25%.
Ákvörðun um breytileg kjör verðtryggð vaxtanna styðjast að jafnaði við ávöxtunarkröfu RIKS30 að viðbættum 0,75 prósentustigum. Lágmarksvextir á líftíma bréfanna er 0,75%.
Við útreikning á ávöxtunarkröfu ofangreindra ríkisskuldabréfa er litið til viðskipta á markaði síðastliðna sex mánuði. Þetta veldur því að vextir taka hægari breytingum til hækkunar og lækkunar en ef einungis væri litið til síðastliðins mánaðar.
Lánareglur sjóðsins má lesa hér.
Sjóðfélagar geta hafið töku ellilífeyris úr samtryggingarsjóði á aldrinum 60 til 80 ára. Viðmiðunaraldur ellilífeyris er 70 ár og lækkar lífeyrir ef taka lífeyris hefst fyrr. Á sama hátt hækkar lífeyrir ef töku lífeyris er frestað fram yfir 70 ár.
Inneign í séreignarsjóði er laus til útborgunar við 60 ára aldur.
Við ráðleggjum sjóðfélögum að sækja um ellilífeyri úr samtryggingarsjóði og útborgun séreignar á læstu svæði á sjóðfélagavefnum. Þar geta notendur ákveðið fjárhæð mánaðarlegra útborgana úr séreignarsjóði og sótt um aukagreiðslur þegar þeim hentar. Smelltu hér til að opna sjóðfélagavefinn.
Lífeyrir er greiddur fyrsta dag hvers mánaðar sem og fastar greiðslur úr séreignarsjóði. Aukagreiðslur úr séreignarsjóði eru einnig greiddar 15. hvers mánaðar. Óska þarf eftir greiðslu úr séreignarsjóði a.m.k. 2 virkum dögum fyrir útborgun.
Sjóðfélagar Almenna geta fengið greitt úr séreignarsjóði frá 60 ára aldri. Lífeyrisgreiðslur úr séreignarsjóði eru að jafnaði greiddar einu sinni í mánuði, fyrsta hvers mánaðar. Hægt er að óska eftir greiðslu innan mánaðarins og greiðist hún 15. dag hvers mánaðar eða næsta virka dag. Óska þarf eftir greiðslum a.m.k. 2 virkum dögum fyrir útgreiðslu.
Já, inneign í séreignarsjóði er til útborgunar að eigin vali eftir 60 ára aldur. Sjóðfélagar geta tekið út inneignina eins og þeim hentar best, valið fjárhæð mánaðarlegra greiðslna, breytt þeim, sótt aukagreiðslur eða stöðvað útborganir. Einu takmarkanirnar eru að lífeyrissjóðurinn greiðir útborganir tvisvar í mánuði, fyrsta dag mánaðar og þann fimmtánda. Best er að nota sjóðfélagavefinn en þar er hægt að sækja um útborgun séreignar, stilla fjárhæð mánaðarlegra greiðsla og sækja aukagreiðslur.
Nei, það er nóg að sækja um ellilífeyri hjá einum lífeyrissjóði. Samkvæmt samkomulagi lífeyrissjóða er gert ráð fyrir að sjóðfélagi sæki um hjá þeim sjóði sem hann greiddi síðast til og mun sjóðurinn hafa samband við aðra lífeyrissjóði fyrir hönd sjóðfélagans.
Ellilífeyrisgreiðslur hafa áhrif til lækkunar á ellilífeyri almannatrygginga. Sjá nánar á vef Tryggingastofnunar ríkisins www.tr.is.
Sjóðfélagar í Almenna geta hvenær sem er farið inn á sjóðfélagavef og séð uppfærðar upplýsingar um inneign og áunnin lífeyrisréttindi. Þar er einnig hægt að sækja upplýsingar um áunnin ellilífeyrisréttindi í öðrum lífeyrissjóðum. Sjóðfélagavefurinn er aðgengilegur á heimasíðu sjóðsins, almenni.is, en til að komast inn á hann þarf rafræn skilríki eða Íslykil. Smelltu hér til að opna sjóðfélagavefinn.
Persónuupplýsingar eru upplýsingar sem hægt er að rekja beint eða óbeint til einstaklings. Upplýsingar sem má rekja beint til einstaklings er t.d. nafn og kennitala og upplýsingar sem má rekja óbeint til einstaklings er t.d. símanúmer og lánsnúmer. Upplýsingar sem hafa verið gerðar ópersónugreinanlegar, þannig að ekki er hægt að rekja þær beint eða óbeint til einstaklings, teljast því ekki vera persónuupplýsingar.
Almenni vinnur með ýmsar persónuupplýsingar en sjóðurinn tekur á móti iðgjöldum, greiðir lífeyrir til sjóðfélaga og veitir sjóðfélögum lán. Helstu upplýsingar sem sjóðurinn vinnur með eru:
Réttur sjóðsins til að vinna með persónuupplýsingar er ýmist lögbundinn eða fenginn með samþykki sjóðfélaga. Samkvæmt lögum um lífeyrissjóði ber sjóðnum að halda skrá um þá sem greitt hafa iðgjöld til sjóðsins. Sjóðfélagar sem sækja um lán hjá sjóðnum veita samþykki fyrir vinnslu og vistun persónuupplýsinga.
Lífeyrissjóðurinn þarf í ýmsum tilfellum að miðla persónuupplýsingum um sjóðfélaga til annarra aðila. Sjóðurinn úthýsir t.d. hýsingu á upplýsingatækniþjónustu, kaupir þjónustu af tryggingarstærðfræðingi og trúnaðarlækni. Jafnframt áframsendir sjóðurinn upplýsingar vegna lífeyris og iðgjaldagreiðslna til annarra lífeyrissjóða sem sjóðfélagar eiga réttindi hjá.
Lífeyrissjóðurinn leitast eftir að tryggja að viðeigandi tækni sé nýtt og reglum fylgt til að gæta öryggis þeirra upplýsinga sem sjóðnum er trúað fyrir. Lífeyrissjóðurinn hefur sett sér innri reglur og notast við virka aðgangsstýringu til að koma í veg fyrir óleyfilegan aðgang að gögnum, notkun eða miðlun þeirra. Stjórn og starfsmenn sjóðsins eru samkvæmt lögum um lífeyrissjóði bundnir þagnarskyldu og helst hún þótt látið sé af störfum.
Lífeyrissjóðnum er skylt samkvæmt lögum og reglum að geyma upplýsingar eins lengi og nauðsynlegt er til að uppfylla þær kröfur sem gerðar eru til sjóðsins. Lífeyrissjóðurinn metur hversu lengi hann telur nauðsynlegt að vista gögn eftir að réttarsamband aðila er lokið t.d. til að gæta þess að mikilvægar upplýsingar sem varða réttindi sjóðfélaga glatist ekki.
Þessi tímamörk eru öll háð þeim fyrirvara að lög og reglur krefjist ekki lengri varðveislu, t.d. reglur um fyrningu. Að varðveislutíma loknum er upplýsingum eytt eða þær gerðar ópersónugreinanlegar, ef ómögulegt reynist að eyða þeim svo sem vegna tæknilegra annmarka eða af öðrum orsökum.
Sjóðurinn hefur sett sér persónuverndarstefnu sem má finna hér
Sjóðurinn hefur tilnefnt lögfræðing sjóðsins sem persónuverndarfulltrúa. Öllum fyrirspurnum varðandi persónuvernd skal beint til persónuverndarfulltrúa sjóðsins á netfangið personuvernd@almenni.is.
Sjóðfélagar geta óskað eftir að fá afhentar persónuupplýsingar sem eru vistaðar hjá sjóðnum með því að senda beiðni á persónuverndarfulltrúa sjóðsins, personuvernd@almenni.is.
Skylduiðgjald/lágmarksiðgjald er að lágmarki 15,5% af launum.
Já, verktaki þarf sjálfur að standa skil á lífeyrissjóðsgreiðslum og greiða bæði sem launamaður og atvinnurekandi. Verktaki þarf því að greiða 15,5% af reiknuðu endurgjaldi í lífeyrissjóð og 0,1% í endurhæfingarsjóð.
Nei, en þegar komið er að töku lífeyris þá er nóg að sækja um lífeyrir í einum sjóði og áframsendir sá sjóður umsóknina á aðra lífeyrissjóði sem umsækjandi hefur greitt til.
Skipting ellilífeyrisréttinda er gerð með samkomulagi sjóðfélaga og maka og fela í sér gagnkvæma og jafna skiptingu réttinda. Aðeins má skipta þeim réttindum sem áunnust á meðan hjúskapur eða sambúð varði. Með gagnkvæmri skiptingu er átt við að bæði hjónin þurfa að skipta réttindum sínum þannig að bæði veita hinu sama hlutfall réttinda sinna. Hlutfallið getur verið allt að 50%. Skipting áunninna réttinda þarf að eiga sér stað fyrir 65 ára aldur og er skilyrði fyrir því að hægt sé að skipta áunnum réttindum að sjúkdómar og heilsufar sjóðfélaga dragi ekki úr lífslíkum hans.
8,5% af skylduiðgjaldi greiðist í samtryggingarsjóð og allt umfram það fer í séreignarsjóð. Sjóðfélagar geta valið ávöxtunarleið fyrir séreignarsparnaðinn sinn.
Með greiðslu lágmarksiðgjalds ávinna sjóðfélagar sér rétt til elli- og áfallalífeyris úr samtryggingarsjóði. Ellilífeyrir er greiddur frá 60-80 ára aldri til æviloka. Áfallalífeyrir er samheiti yfir örorku-, maka- og barnalífeyri sem er greiddur vegna örorku eða við fráfall. Hluti af lágmarksiðgjaldi greiðist í séreignarsjóð og myndar séreign sem er laus til útborgunar við 60 ára aldur.
Sjóðfélagar geta séð upplýsingar um áunnin lífeyrisréttindi og inneign á sjóðfélagavefnum en vefinn er hægt að opna með rafrænum skilríkjum eða Íslykli. Smelltu hér til að opna sjóðfélagavefinn.
Til þess að við getum reiknað fyrir þig væntanleg eftirlaun þarftu að fylla inn forsendur. Þessi reiknivél miðar við 15,5% iðgjald.
Lífeyrir fyrir skatta frá 67 ára aldri til æviloka
... kr.
Inneign í séreignarsjóði
... kr.
Mánaðarleg útborgun séreignar í 10 ár
... kr.
Sjóðfélagar geta hafið töku ellilífeyris úr samtryggingarsjóði á aldrinum 60 til 80 ára. Viðmiðunaraldur ellilífeyris er 70 ár og lækkar lífeyrir ef taka lífeyrisgreiðslna hefst fyrr.
Á sama hátt hækkar lífeyrir ef töku lífeyris er frestað fram yfir 70 ár.
Við andlát sjóðfélaga falla réttindi til ellilífeyris niður en eftirlifandi maki fær makalífeyri sem er greiddur að lágmarki í 2,5 ár. Makalífeyrir er greiddur lengur ef yngsta barn sjóðfélaga er undir 20 ára aldri eða ef maki er a.m.k. 50% öryrki og yngri en 67 ára. Við andlát erfist inneign í séreignarsjóði og er greidd út samkvæmt erfðalögum. Inneign er skipt þrátt fyrir að maki sitji í óskiptu búi. Barnalífeyrir er greiddur með börnum látins sjóðfélaga til 20 ára aldurs.
Réttur til ellilífeyrisgreiðslna hjá almannatryggingum fer eftir gildandi reglum Tryggingastofnunar (TR) á hverjum tíma. Best er að fá upplýsingar á heimasíðu stofnunarinnar, www.tr.is. Á síðunni er m.a. reiknivél lífeyris sem er auðveld í notkun og gefur greinargóðar upplýsingar um eftirlaunagreiðslur frá TR.
Sjóðfélagi á rétt á örorkulífeyri úr samtryggingarsjóði ef hann verður fyrir orkutapi sem metið er 50% eða meira, hefur orðið vanhæfur til að gegna starfi sínu og orðið fyrir tekjumissi.
Sjóðfélagar geta séð upplýsingar um örorkulífeyrisréttindi á sjóðfélagavef Almenna sem hægt er opna með rafrænum skilríkjum eða Íslykli. Smelltu hér til að opna sjóðfélagavefinn.
Séreignarsparnaður er samheiti yfir sparnað sem lagður er til eftirlaunaáranna annað hvort sem hluti af skylduiðgjaldi í lífeyrissjóð eða með samningi um viðbótarlífeyrissparnað. Sparnaðurinn er að fullu í eigu viðkomandi einstaklings og laus til úttektar samkvæmt ákveðnum reglum sem eru bundnar í lög. Séreignarsjóður er sjóður sem tekur við séreignarsparnaði einstaklinga og þar sem sparnaður hvers einstaklings er færður á sérreikning hans auk ávöxtunar á hverju ári.
Sótt er um á www.leidretting.is og valið nafn vörsluaðila og það húsnæðislán sem skal greiðast inn á ef það á við. Athugið að séreignargreiðslur inn á lán eru eingöngu greiddar af viðbótarlífeyrissparnaði en ekki af séreign sem myndast af skyldusparnaði.
Inneign er laus til úttektar við 60 ára aldur og má eigandi taka hana út í einu lagi eða á lengri tíma að eigin vali. Undantekning fá þessari reglu er ef sjóðfélagi verður öryrki en þá má taka inneign út á sjö árum miðað við 100% örorku.
Þrengri útborgunarreglur gilda um tilgreinda séreign eða bundna séreign sem er hluti af skylduiðgjaldi annarra lífeyrissjóða. Tilgreind séreign er almennt laus til útborgunar með skilyrðum á aldrinum 62 ára til 66 ára og bundin séreign frá 70 ára til 80 eða 85 ára aldurs.
Inneignin erfist og flyst á séreignarreikninga erfingja. Inneign er skipt þrátt fyrir að maki sitji í óskiptu búi. Erfðaséreign er laus til útborgunar strax.
Viðbótarlífeyrissparnaður er sparnaður sem dreginn er af launum áður en skattar eru greiddir. Oftast leggur launamaður fyrir 2% eða 4% af launum og fær 2% mótframlag frá launagreiðanda.
Til að hefja viðbótarlífeyrissparnað þarf að gera samning við vörsluaðila (t.d. lífeyrissjóð eða banka) sem lætur launagreiðanda vita. Á samningstíma skal launagreiðandi draga sparnaðinn frá mánaðarlegum launum og greiða til vörsluaðila.
Séreignarsparnaður er dreginn af launum áður en einstaklingar greiða tekjuskatt. Á sparnaðartíma er ekki greiddur fjármagnstekjuskattur af vaxtatekjum. Við úttekt er hins vegar greiddur tekjuskattur. Undantekning frá þessum reglum er heimild til að greiða viðbótarlífeyrissparnað inn á fasteignalán eða inn á fyrstu fasteign en samkvæmt þeim heimildum geta einstaklingar greitt sparnaðinn óskattlagðan upp að vissu marki inn á fasteignalán eða kaup á fyrstu fasteign.
Ef einstaklingur leggur sjálfur fyrir 2% til 4% af launum í vibótarlífeyrissparnað greiðir launagreiðandi í flestum tilvikum 2% mótframlag.
Launagreiðendur mega hæst greiða 15,5% af launum plús tvær milljónir króna á ári fyrir hvern launþega í lífeyrissjóð og/eða í viðbótarlífeyrissparnað. Iðgjald launagreiðenda getur þó verið hærra hafi verið samið um iðgjaldið í kjarasamningum eða það er bundið í lögum. Ef iðgjald launagreiðanda fer umfram þessi mörk telst það til tekna hjá launþega og skattlagt sem slíkt.
Í fræðslugrein á heimasíðu Almenna er fjallað um viðbótarlífeyrissparnað og þennan möguleika en þessi ábót á viðbót getur verið góð búbót fyrir launþega, sjá hér.
Til þess að áætla viðbótarlífeyrissparnað í framtíðinni þarftu að fylla út forsendur.
Inneign 67 ára m.v. 3,5% raunávöxtun á ári
... kr.
Mánaðarleg útborgun fyrir skatta í 10 ár
... kr.
Til þess að reikna mánaðarlegar útborganir úr séreignarsjóði þarftu að fylla út forsendur.
Áætlar greiðslur á mánuði fyrir skatta m.v. 3,5% raunávöxtun á ári
... kr.
Til þess að reikna hvað séreignin dugir lengi þarftu að fylla út forsendur.
Áætlaður útborgunartími (ár) m.v. 3,5% raunávöxtun á ári
... ár
Áætlaður síðasti mánuður
...
Já, sjóðfélagi getur ákveðið á grundvelli samkomulags við maka að inneign hans skuli allt að hálfu renna til að mynda sjálfstæða inneign fyrir maka hans eða fyrrverandi maka og/eða að greiðslur í séreignarsjóð skuli allt að hálfu renna til að mynda inneign fyrir maka hans.
Viðbótarlífeyrissparnað er hægt að greiða inn á lán til 30. júní 2023. Heimilt er að greiða allt að 4% framlag launþega og 2% framlag launagreiðanda, hámark 500 þús. kr. á ári fyrir einstakling en 750 þúsund fyrir hjón eða einstaklinga sem uppfylla skilyrði til samsköttunar. Skilyrði er að lán sé tekið til öflunar eigin húsnæðis, tryggt með veði og að vaxtagjöld séu grundvöllur til vaxtabóta (lán á reit 5.2 í skattframtali).
Þeir sem eiga ekki fasteign geta greitt viðbótarlífeyrissparnað til allt að 10 ára sem útborgun í íbúð eða inn á húsnæðislán.
Lögum samkvæmt geta einstaklingar valið vörsluaðila lífeyrissparnaðar fyrir tilgreinda séreign. Almenni getur hins vegar tekið iðgjaldi til tilgreindrar séreignar frá öðrum lífeyrissjóðum og er góður kostur fyrir þá sem vilja dreifa áhættu með því að greiða séreignarsparnað annars sjóðs en til skyldulífeyrissjóðs.
Smelltu hér til að sækja um að greiða tilgreinda séreign til Almenna.