Séreign inn á lán framlengd til ársloka 2024
14. desember 2022
Í tengslum við nýgerða kjarasamninga á almennum vinnumarkaði kynnti ríkisstjórnin nokkrar aðgerðir til að styðja við markmið samninganna. Ein af þessum aðgerðum er framlenging á almennri heimild til skattfrjálsrar nýtingar séreignarsparnaðar til kaupa á íbúðarhúsnæði til eigin nota eða ráðstöfunar inn á höfuðstól til ársloka 2024. Nánari upplýsingar, m.a. um nýtingu og framlengingu hjá þeim sem þegar nýta sér úrræðið, verða veittar síðar.
Sótt er um nýtingu séreignarsparnaðar inn á lán á vefsíðunni www.leidretting.is.