Ársfundur 2015

Ársfundur Almenna lífeyrissjóðsins árið 2015 verður haldinn þriðjudaginn 17. mars kl. 17:15, í Þingsal 2,  Icelandair Hótel Reykjavík Natura.

Dagskrá.

1.   Skýrsla stjórnar.
2.   Ársreikningur 2014 og tryggingafræðilega athugun á fjárhag samtryggingarsjóðs.
Þeim sem nota i-Pad eða Apple tölvur er bent á að skoða ársskýrsluna í Ibooks eða  Firefox vafra eða vista og opna í Acrobat Reader. Safari vafri virkar ekki nógu vel.

3.   Kynning á fjárfestingarstefnu Almenna lífeyrissjóðsins.
4.   Tillögur um breytingar á samþykktum sjóðsins. Tillögurnar eru hér.
5.   Kosning stjórnar.
6.   Kosning endurskoðenda eða endurskoðunarfélags.
7.   Ákvörðun um laun stjórnar.
8.   Önnur mál.

Um kosningu stjórnar.

Úr grein 5.1. í samþykktum um skipan stjórnar.

,,Stjórn sjóðsins skal skipuð sex sjóðfélögum kjörnum á ársfundi til þriggja ára í senn og skal stjórnin skipuð þremur konum og þremur körlum. Varamenn í stjórn eru þrír sjóðfélagar kosnir af sjóðfélögum og skal hvort kyn eiga minnst einn fulltrúa í varastjórn.

Niðurstaða stjórnarkjörs, bæði aðalmanna og varamanna, ræðst af skilyrðum um hlutfall kynja í stjórn. Ef laust sæti skal skipað konu hlýtur sá kvenframbjóðandi sem fær flest atkvæði kosningu og öfugt ef laust sæti skal skipað karli.“

Á fundinum lýkur kjörtímabili Hrannar Sveinsdóttur og Ástríðar Jóhannesdóttur, aðalmanna, og Péturs Þorsteins Óskarssonar, varamanns.

Vakin er athygli á því að framboðum til stjórnar (aðalmenn) skal skila viku fyrir ársfund sjóðsins. Framboðsfrestur til stjórnar rennur út þann 10. mars 2014 kl. 24:00. Hægt er að senda inn framboð á netfangið almenni@almenni.is. Samkvæmt samþykktum skal stjórn sjóðsins skipuð þremur konum og þremur körlum. Í stjórn eru þegar þrír karlmenn þannig að eingöngu konur geta gefið kost á sér í aðalstjórn að þessu sinni.

Varamenn skulu kosnir í sérstakri kosningu þegar kjör aðalstjórnarmanna hefur farið fram og þarf ekki að skila inn framboðum fyrir ársfund.

Sjóðfélagar eru hvattir til að mæta á fundinn.

Stjórn Almenna lífeyrissjóðsins