Fundur um ófjárhagslega upplýsingagjöf

Þann 5. desember síðastliðinn hélt Almenni lífeyrissjóðurinn upplýsingafund undir yfirskriftinni Sjálfbær upplýsingagjöf.

Á fundinum kynnti Margret Flóvenz, endurskoðandi, niðurstöðu skýrslu um ófjárhagslega upplýsingagjöf í ársreikningum skráðra íslenskra fyrirtækja. Skýrsluna gerði hún ásamt samnemendum í viðskiptasiðfræði við Háskóla Íslands; Áslaugu Baldursdóttur Guðrúnu Heiðu Guðmundsdóttur og Þórdísi Ólöfu Sigurjónsdóttur.

Með ófjárhagslegum upplýsingum er átt við upplýsingar um ýmsa þætti í starfsemi félaga sem ekki er fjallað um í hefðbundnum ársreikningi svo sem um samfélagsábyrgð, stjórnarhætti og fleira.

Skýrslan var unnin fyrir Almenna lífeyrissjóðinn í samstarfi við Iceland SIF.

Í framhaldi af kynningu Margretar spunnust talsverðar umræður og greinilegt var að verulegur áhugi var fyrir málefninu hjá þeim sem mættu á kynninguna.

Glærur frá kynningu Margretar má sjá hér.