• Skyldusparnaður
  • Viðbótarsparnaður
  • Ávöxtun
  • Lán
  • Launagreiðendur
  • Almenni Pension Fund
  • Investment plans
  • Loans
  • About Almenni

Lágmarksiðgjald

Lágmarksiðgjald í Almenna lífeyrissjóðinn er 12% af launum eða reiknuðu endurgjaldi hjá sjálfstæðum atvinnurekendum.

  • Til iðgjaldsstofns skal ekki telja hlunnindi sem greidd eru í öðru formi, svo sem fatnaður, fæði og húsnæði, eða greiðslur sem ætlaðar eru til endurgreiðslu á útlögðum kostnaði, t.d. ökutækjastyrkur, dagpeningar og fæðispeningar.
  • Skipting á milli launagreiðanda og launþega fer eftir kjarasamningi eða ráðningarsamningi. Oftast greiðir launþegi 4% og launagreiðandi 8% til 11,5% af launum.
  • Launagreiðendum er skylt að draga lífeyrissjóðsiðgjald mánaðarlega af launum starfsmanna og skila því til viðkomandi lífeyrissjóðs eða vörsluaðila lífeyrissparnaðar.
  • Skylt er að greiða í lífeyrissjóð frá 16 ára aldri til 70 ára.
  • Lífeyrissjóðsnúmer Almenna fyrir lágmarksiðgjöld er L005.

Viðbótariðgjald

Launagreiðanda er skylt að draga viðbótarlífeyrissparnað frá launum og greiða til þess vörsluaðila lífeyrissparnaðar sem launþegi velur.

  • Launþegum er heimilt að greiða allt að 4% af launatekjum í lífeyrissparnað til viðbótar þeim 4% sem ber að greiða í lífeyrissjóð.
  • Launagreiðandi greiðir oftast 2% mótframlag í viðbótarlífeyrissparnað á móti a.m.k. 2% sparnaði launþega samkvæmt kjarasamningi eða ráðningarsamningi.
  • Lífeyrissjóðsnúmer Almenna fyrir viðbótariðgjöld X004.

Endurhæfingarsjóður

Öllum launamönnum ber samkvæmt lögum að inna af hendi iðgjald til VIRK starfsendurhæfingarsjóðs.

  • Iðgjald til endurhæfingarsjóðs er 0,1% af heildarlaunum.
  • Greiðsluskylda nær einnig til þeirra sem ekki eiga aðild að kjarasamningum.
  • Launagreiðanda ber að standa skil á iðgjaldinu til þess lífeyrissjóðs sem hann greiðir lífeyrisiðgjald til.
  • Lífeyrissjóður skal hafa milligöngu um innheimtu iðgjalds til endurhæfingarsjóðs og ráðstafa því svo til VIRK starfsendurhæfingarsjóðs.
  • Lífeyrissjóðsnúmer endurhæfingarsjóð er R005.
  • Nánari upplýsingar um endurhæfingarsjóð er að finna á slóðinni virk.is

Innheimtuferli

Gjalddagi iðgjalda hvers mánaðar er 10. dag næsta mánaðar og eindagi er síðasti virki dagur þess mánaðar. Ef iðgjöld eru ekki greidd á réttum tíma eru reiknaðir dráttarvextir á gjalddaga til greiðsludags.

  • Innheimtuferli hefst ef skilagrein hefur borist en ekki iðgjald eða launþegi hefur samband vegna vangoldinna iðgjalda.
  • Launagreiðanda er sent innheimtubréf og honum gefin frestur til að standa skil á iðgjaldinu.
  • Ef innheimta ber ekki árangur er iðgjaldið sent í lögfræðiinnheimtu.