Þórarinn Guðnason
Hjartalæknir
Býður sig fram til aðalstjórnar
Starfsferill/stjórnunarstörf:
- Hjartalæknir í Læknasetri, frá 2004
- Hjartalæknir á Landspítala 2004-2019
- Varaformaður Læknafélags Íslands 2008-2010
- Stjórnarformaður Læknaseturs frá 2011
- Formaður Læknafélags Reykjavíkur 2017-2021
- Stjórnarmaður í Almenna lífeyrissjóðnum
Námsferill:
- Háskóli Íslands. Kandidatspróf í læknisfræði 1991
- Lækningaleyfi 1992
- Sérfræðileyfi lyflækningum 1998
- Sérfræðileyfi í hjartalækningum 1999
- Doktorspróf (PhD) frá Gautaborgarháskóli 2004
Ég býð mig fram til endurkjörs í stjórn Almenna lífeyrissjóðsins því ég tel að reynsla mín úr atvinnurekstri, læknisstörfum og félagsmálum geti áfram nýst sjóðsfélögum til góðs.
Ég hef lengi haft áhuga á lífeyrismálum og hef setið í stjórn Almenna undanfarin 3 ár, en hef verið félagi í sjóðnum eða forverum hans allt frá 1989. Stjórnarsetan hefur verið lærdómsrík og ég hef sannfærst um að Almenni er einn besti lífeyrissjóður landsins. Það endurspeglast t.d. í notendavænum sjóðfélagavef, góðri ávöxtun, hagkvæmni í rekstri og í vexti sjóðsins undanfarið.
Tækifærin til að gera góðan sjóð enn betri eru samt til staðar og ég vil vinna að því. Leiðarljós mín verða áfram hagur sjóðsfélaga og góð þjónusta við þá, en einnig sjálfbærni og réttlæti í víðum skilningi þeirra orða.
Mikilvægasta hlutverk Almenna er samt að tryggja góða ávöxtun eigna sjóðsfélaganna, sem er meginforsenda góðra lífeyrisgreiðslna í framtíðinni. Að þessu ætla ég að vinna ötullega áfram og óska því eftir stuðningi ykkar til setu í stjórn önnur þrjú ár.