Nýr upplýsingavefur um tillögur um sameiningu Lífsverks og Almenna

Lífsverk lífeyrissjóður og Almenni lífeyrissjóðurinn hafa opnað sameiginlegan upplýsingavef í tengslum við tillögur stjórna sjóðanna um sameiningu þeirra. Markmiðið er að veita sjóðfélögum skýrar og aðgengilegar upplýsingar um málið áður en sjóðfélagar kjósa um tillögurnar. 

Á vefnum er m.a. fjallað um: 

• Markmið með sameiningu sjóðanna.  

• Samrunaferlið og helstu dagsetningar.  

• Hverjar helstu breytingarnar verða fyrir sjóðfélaga ef sameining sjóðanna verður samþykkt. 

Sjóðfélagar eru hvattir til að kynna sér tillögurnar og taka afstöðu í rafrænni atkvæðagreiðslu sem fer fram dagana 11. til 13. nóvember.  

Almenni lífeyrissjóðurinn mun kynna tillögur um sameiningu sjóðanna sérstaklega á opnum kynningarfundi fyrir sjóðfélaga fimmtudaginn 30. október kl. 8:30 á skrifstofu sjóðsins að Dalvegi 30.  

Sterkari saman – upplýsingavefur Lífsverks og Almenna.