• Skyldusparnaður
  • Viðbótarsparnaður
  • Ávöxtun
  • Lán
  • Launagreiðendur
  • Almenni Pension Fund
  • Investment plans
  • Loans
  • About Almenni

Fjárfestingarstefna Almenna lífeyrissjóðsins 2019

19. desember 2018

Fjárfestingarstefna Almenna lífeyrissjóðsins 2019

Fjárfestingarstefna Almenna lífeyrissjóðsins fyrir árið 2019 var undirrituð af stjórn sjóðsins þann 28. nóvember 2018.

Fjárfestingarstefnan er birt í heild sinni á vefsíðu sjóðsins, sjá hér.  Helstu breytingar sem gerðar eru í fjárfestingarstefnu fyrir árið 2019 eru eftirfarandi:

  • Í öllum ávöxtunarleiðum nema Húsnæðissafni er vægi einstakra eignaflokka í fjárfestingarstefnu óbreytt á milli ára, eingöngu er um að ræða breytingar á vikmörkum í stefnu um erlendar eignir, sem endurspeglar m.a. að erlend hlutabréf eru að færast nær stefnu. Í Húsnæðissafni hefur stefnu verið hnikað til á milli skuldabréfaflokka.
  • Söfn lífeyrissjóðsins eru enn nokkuð frá stefnu í erlendum eignum vegna gjaldeyrishafta sem voru í gildi á árunum 2008 – 2017. Áfram er stefnt að því að auka erlendar fjárfestingar og gert er ráð fyrir að söfn lífeyrissjóðsins nái stefnu um erlendar eignir á næstu 2-4 árum.
  • Stefna innan erlendra eignaflokka breytist lítið á milli ára, en hlutfalli milli erlendra hlutabréfa­sjóða, þ.e. vísitölusjóða, hermisjóða (enhanced funds), virkra sjóða og framtakssjóða hefur verið hnikað til.
  • Fjórar ávöxtunarleiðir séreignarsjóðs, Ævisafn II, Ævisafn III, Ríkissafn langt og Ríkissafn stutt lúta nú takmörkunum í fjárfestingarheimildum fyrir lágmarkstryggingavernd.  Þrjár ávöxtunarleiðir séreignarsjóðs, Ævisafn I, Innlánasafn og Húsnæðissafn lúta áfram takmörkunum í fjárfestingar­heimildum fyrir viðbótartryggingavernd.  Þessi breyting tekur m.a. til takmarkana á mótaðila­áhættu en þær takmarkanir eru þrengri í heimildum fyrir lágmarkstryggingavernd.